నిహత్య ధార్తరాష్ట్రాన్నః
కా ప్రీతిః స్యాజ్జనార్దన ।
పాపమేవాశ్రయేదస్మాన్
హత్వైతానాతతాయినః ॥
నిహత్య, ధార్తరాష్ట్రాన్, నః, కా, ప్రీతిః, స్యాత్, జనార్దన,
పాపమ్, ఏవ, ఆశ్రయేత్, అస్మాన్, హత్వా, ఏతాన్, ఆతతాయినః.
జనార్దన = కృష్ణా; ధార్తరాష్ట్రాన్ = దుర్యోధనాదులను; నిహత్య = చంపి; నః = మనకు; కా = ఏమి; ప్రీతి = సంతోషం; స్యాత్ = లభిస్తుంది; ఏతాన్ = ఈ; ఆతతాయినః = హననోద్యుక్తులను; హత్వా = చంపితే; అస్మాన్ = మనకు; పాపమ్ ఏవ = పాపమే ఆశ్రయేత్ = చుట్టుకుంటుంది.
తా ॥ ఓ జనార్దనా! ధృతరాష్ట్రుని కుమారులను చంపడం వల్ల మనకు కలిగే ఆనందం ఏమిటి? వీరు దుర్మార్గులే అయినప్పటికీ, వీరిని చంపడం వల్ల మనకు పాపమే చుట్టుకుంటుంది.
వ్యాఖ్య: –
“ఆతతాయినః” (మహాపాపులు):
ఈ పదం అంటే మహా పాపాలు చేసేవారు. నీతి శాస్త్రం ప్రకారం ఆతతాయులు (మహాపాపులు) ఇలా ఉంటారు:
- ఇంటికి నిప్పు పెట్టేవాడు (అగ్ని ప్రమాదం)
- విషం బెట్టేవాడు (విషపాయం)
- ఆయుధం తీసుకుని హింసించేవాడు
- ధనం దోచుకునేవాడు (చోరత)
- భూమి ఆక్రమించేవాడు
- ఇతరుల భార్యలను దోచుకునేవాడు
ఈ ఆరు రకాల మహాపాపాలు చేసినవారే ఆతతాయులు. దుర్యోధనుడు మరియు అతని పక్షంవారు ఈ రకాల పాపాలే చేసినవారు .