అవ్యక్తాద్వ్యక్తయః సర్వాః ప్రభవంత్యహరాగమే ।
రాత్ర్యాగమే ప్రలీయంతే తత్రైవావ్యక్తసంజ్ఞకే ॥ 18
అవ్యక్తాత్, వ్యక్తయః, సర్వాః, ప్రభవంతి, అహరాగమే,
రాత్ర్యాగమే, ప్రలీయంతే, తత్ర, ఏవ, అవ్యక్త సంజ్ఞకే.
అహరాగమే = బ్రహ్మయొక్క పగలు వచ్చినతోడనే; అవ్యక్తాత్ = అవ్యక్తం నుండి, కార్యం యొక్క అవ్యక్తరూపమైన కారణం నుండి; సర్వాః వ్యక్తయః = చరాచర వస్తువులన్నీ; ప్రభవంతి = జన్మిస్తున్నాయి; రాత్ర్యాగమే = బ్రహ్మయొక్క రాత్రి రావడంతోనే; తత్ర ఏవ = దానియందే; అవ్యక్తసంజ్ఞకే = అవ్యక్తమనబడే కారణంలోనే; ప్రలీయంతే = విలీనమవుతున్నాయి.
తా ॥ బ్రహ్మయొక్క పగలు మొదలవగానే చర-అచరాలైన వస్తువులన్నీ అవ్యక్తం నుండి అభివ్యక్తం అవుతున్నాయి; రాత్రి అవగానే ఆ అవ్యక్తకారణంలోనే చరాచర వస్తుజాతమంతా లయమవుతోంది.