యత్కరోషి యదశ్నాసి యజ్జుహోషి దదాసి యత్ ।
యత్తపస్యసి కౌంతేయ తత్కురుష్వ మదర్పణమ్ ॥ 27
యత్, కరోషి, యత్, అశ్నాసి, యత్, జుహోషి, దదాసి, యత్,
యత్, తపస్యసి, కౌంతేయ, తత్, కురుష్వ, మదర్పణమ్.
కౌంతేయ = కుంతీపుత్రా; యత్ = దేనిని; కరోషి = ఆచరిస్తున్నావో; యత్ = దేనిని; అశ్నాసి = భుజిస్తున్నావో; యత్ = దేనిని; జుహోషి = హోమమొనర్చుతున్నావో; యత్ = దేనిని; దదాసి = దానమిస్తున్నావో; తపస్యసి = తపమొనర్చుతున్నావో; తత్ = దానిని; మదర్పణమ్ = నాకు అర్పితం; కురుష్వ = చేయి.
తా ॥ (ఈ ఫలపుష్పాదులను కూడా, యజ్ఞద్రవ్యాలైన పశు సోమలతాదుల వలే కష్టంతో సంపాదించి సమర్పించనక్కర లేదు:) కౌంతేయా! నీవు ఆచరించే శాస్త్రసిద్ధములైన కర్మలను, వ్యావహారిక కర్మలను, నీవు భుజించే వాటిని, నీ తపోదానహోమాలను నాకు అర్పించు.