నైతే సృతీ పార్థ జానన్ యోగీ ముహ్యతి కశ్చన ।
తస్మాత్సర్వేషు కాలేషు యోగయుక్తో భవార్జున ॥ 27
న, ఏతే, సృతీ, పార్థ, జానన్, యోగీ, ముహ్యతి, కశ్చన,
తస్మాత్, సర్వేషు, కాలేషు, యోగయుక్తః, భవ, అర్జున.
పార్థ = అర్జునా; ఏతే = ఈ; సృతీ = రెండుమార్గాలను; జానన్ = ఎరిగిన; కశ్చన = ఏ ఒక్క; యోగీ = ఉపాసకుడుగాని కర్మపరుడుగాని; న ముహ్యతి = మోహాన్ని పొందడు; తస్మాత్ = కనుక; అర్జున = పార్థా; సర్వేషు కాలేషు = సర్వకాలములందు; యోగయుక్తః భవ = సమాహితుడవు కమ్ము.
తా ॥ ఈ గతుల (మార్గాల) రీతిని ఎరిగిన ఉపాసకుడు గాని కర్మి గాని మోహగ్రస్తుడు కాడు. అంటే, అనిత్యాలూ దక్షిణమార్గ ప్రాపకాలూ అయిన ఉపాసనావర్జితాలైన కర్మల దెసకు పోడు – పరమేశ్వరనిష్ఠుడు అవుతాడు. కనుక, అర్జునా! నీవు సర్వదా సమాహిత చిత్తుడవు కమ్ము!