అభ్యాసయోగయుక్తేన చేతసా నాన్యగామినా ।
పరమం పురుషం దివ్యం యాతి పార్థానుచింతయన్ ॥ 8
అభ్యాస యోగయుక్తేన, చేతసా, న, అన్యగామినా,
పరమమ్, పురుషమ్, దివ్యమ్, యాతి, పార్థ, అనుచింతయన్.
పార్థ = అర్జునా; అభ్యాస యోగ యుక్తేన = అభ్యాసమనే ఉపాయంతో కూడినదీ; న అన్యగామినా = ఇతర విషయాల వైపుకు పోనిదీ అయిన; చేతసా = చిత్తముతో; అనుచింతయన్ = స్మరిస్తున్న (యోగి); పరమమ్ = ఉత్తముడూ; దివ్యమ్ = జ్యోతిర్మయుడూ అయిన; పురుషమ్ = పరమేశ్వరుణ్ణి; యాతి = పొందుతాడు.
తా ॥ (నిరంతరస్మరణకు అభ్యాసమే అంతరంగ సాధనం అని సూచించ బడుతోంది-) పార్థా! అభ్యాస యోగంలో నియమించబడి ఇతర విషయాలపైకి పోకుండా ఉండే చిత్తంతో జ్యోతిర్మయుడూ, పరమపురుషుడూ అయిన భగవంతుణ్ణి నిరంతరం ధ్యానిస్తున్నట్లయితే, అటువంటి యోగి తప్పక ఆ భగవంతుణ్ణే పొందగలడు.