అథవా యోగినామేవ కులే భవతి ధీమతామ్ ।
ఏతద్ధి దుర్లభతరం లోకే జన్మ యదీదృశమ్ ॥ 42
అథవా, యోగినామ్, ఏవ, కులే, భవతి, ధీమతామ్,
ఏతత్, హి, దుర్లభతరమ్, లోకే, జన్మ, యత్, ఈదృశమ్.
అథవా = లేక; ధీమతామ్ = జ్ఞానులును; యోగినామ్ = యోగులైన వారి; కులే ఏవ = వంశంలోనే; భవతి = జన్మిస్తాడు; ఈదృశమ్ = ఇట్టిది; యత్ జన్మ = ఏ జన్మమున్నదో; ఏతద్ హి = అది; లోకే = జగత్తులో; దుర్లభతరమ్ = అత్యంత దుర్లభం.
తా ॥ (కొద్దిగా అభ్యసించబడిన యోగం నుండి చ్యుతిచెందినవాని గతి చెప్పబడింది. ఇక చిరాభ్యస్తమైన యోగం నుండి భ్రష్టత పొందినవాని గతి చెప్పబడుతోంది.) లేక, యోగభ్రష్టుడైన పురుషుడు జ్ఞానవంతులైన యోగుల వంశంలోనే జన్మిస్తాడు. ఇటువంటి జన్మ ఈ జగత్తులో అత్యంత దుర్లభం.