శ్రీ భగవానువాచ :
సన్న్యాసః కర్మయోగశ్చ నిశ్శ్రేయసకరావుభౌ ।
తయోస్తు కర్మసన్న్యాసాత్ కర్మయోగో విశిష్యతే ॥ 2
సన్న్యాసః, కర్మయోగః, చ, నిశ్శ్రేయసకరౌ, ఉభౌ,
తయోః, తు, కర్మ సన్న్యాసాత్, కర్మయోగః, విశిష్యతే.
శ్రీభగవాన్ = శ్రీకృష్ణుడు; ఉవాచ = పలికెను; సన్న్యాసః = కర్మ సన్న్యాసం; కర్మయోగః చ = నిష్కామకర్మయోగం; ఉభౌ = రెండూ కూడా; నిఃశ్రేయసకరౌ = ముక్తిదాయకాలు; తు = కాని; తయోః = రెండింటిలోనూ; కర్మసన్న్యాసాత్ = కర్మత్యాగం కంటే; కర్మయోగః = నిష్కామకర్మానుష్ఠానం; విశిష్యతే = ఉత్కృష్టమైనది, దొడ్డది.
తా ॥ శ్రీభగవానుడు పలికెను: కర్మసన్న్యాసం, నిష్కామకర్మయోగం – ఈ రెండూ కూడా ముక్తిదాయకాలే; ఈ రెండింటిలో కర్మసన్న్యాసం కంటే నిష్కామ కర్మయోగమే (నీవంటి అధికారులకు) శ్రేష్ఠమైనది. (గీత. 5–4; 6–3; 18–78 చూ:)