నిరాశీర్యతచిత్తాత్మా త్యక్తసర్వపరిగ్రహః ।
శారీరం కేవలం కర్మ కుర్వన్నాప్నోతి కిల్బిషమ్ ॥ 21
నిరాశీః, యత చిత్తాత్మా, త్యక్త సర్వ పరిగ్రహః,
శారీరమ్, కేవలమ్, కర్మ, కుర్వన్, న, ఆప్నోతి, కిల్బిషమ్.
నిరాశీః = కామానాశూన్యుడూ; యతచిత్తాత్మా = అంతఃకరణాన్ని, దేహేంద్రియాలను వశపరచుకున్నవాడూ; త్యక్తసర్వపరిగ్రహః = ఏ వస్తువునూ గ్రహించనివాడూ; (అయిన పురుషుడు) కేవలమ్ = అభిమాన రహితమైన; శారీరమ్ = శరీర రక్షణార్థం (కర్తృత్వాభిమానరహితమై శారీరకంగా చేసే); కర్మ = కర్మను; కుర్వన్ = ఒనర్చినప్పటికీ; కిల్బిషమ్ = అనిష్టం, పాపాలను; న ఆప్నోతి = పొందడు.
తా ॥ నిష్కాముడూ, పరిగ్రహత్యాగీ, సంయత దేహేంద్రియ మనస్కుడూ అయిన వాడు శారీరకమైన కర్మను (శరీరధారణ నిమిత్తం, శరీరంతో కర్మాచరణ) ఆచరించినప్పటికీ పాప రూపమైన బంధం కలుగదు.