విహాయ కామాన్ యస్సర్వాన్ పుమాంశ్చరతి నిస్పృహః ।
నిర్మమో నిరహంకారః స శాంతిమధిగచ్ఛతి ॥ 71
విహాయ, కామాన్, యః, సర్వాన్, పుమాన్, చరతి, నిస్పృహః,
నిర్మమః, నిరహంకారః, సః, శాంతిమ్, అధిగచ్ఛతి.
యః = ఏ; పుమాన్ = పురుషుడు; సర్వాన్ = అన్ని; కామాన్ = కోర్కెలను; విహాయ = విడిచి; నిర్మమః = మమతశూన్యుడూ; నిరహంకారః = అహంకార రహితుడూ; నిస్పృహః = కాంక్షా రహితుడూ అయ్యి; చరతి = సంచరిస్తుంటాడో; సః = అతడు; శాంతిమ్ = సకల దుఃఖ నివృత్తియైన మోక్షాన్ని; అధిగచ్ఛతి = పొందుతాడు.
తా ॥ ఎవరైతే కోర్కెలనన్నిటినీ విడిచి, ‘నేను, నాది’ అనే భావం త్యజించి, శారీరక జీవితం కూడా స్పృహాశూన్యుడై సంచరిస్తాడో అతడు సంసార దుఃఖ నివృత్తియైన పరమశాంతిని పొందుతాడు.