యదా సంహరతే చాయం కూర్మోఽంగానీవ సర్వశః ।
ఇంద్రియాణీంద్రియార్థేభ్యః తస్య ప్రజ్ఞా ప్రతిష్ఠితా ॥ 58
యదా, సంహరతే, చ, అయమ్, కూర్మః, అంగాని, ఇవ, సర్వశః,
ఇంద్రియాణి, ఇంద్రియార్థేభ్యః, తస్య, ప్రజ్ఞా, ప్రతిష్ఠితా.
కూర్మః = తాబేలు; అంగాని ఇవ = అవయవాల వలె (అన్నిటిని లోనికి లాగుకొనేటట్లు); యదా = ఎప్పుడైతే; అయామ్ = ఈ యోగి; ఇంద్రియాణి = ఇంద్రియాలను; ఇంద్రియార్థేభ్యః సర్వశః = ఇంద్రియ విషయాలన్నింటి నుండీ; సంహరతే = ఉపసంహరిస్తాడో; (అప్పుడు) తస్య = వాని; ప్రజ్ఞా = ఆత్మజ్ఞానం; ప్రతిష్ఠితా = సుప్రతిష్ఠితమైనది.
తా ॥ తాబేలు తన అవయవాలను లోపలకు ఉపసంహరించుకొనే విధంగా, శబ్దాదివిషయాల నుండి ఇంద్రియాలను మరలించుకొనే జ్ఞాననిష్ఠుడైన యోగి స్థితప్రజ్ఞుడని చెప్పబడతాడు.