అర్జున ఉవాచ :
స్థితప్రజ్ఞస్య కా భాషా సమాధిస్థస్య కేశవ ।
స్థితధీః కిం ప్రభాషేత కిమాసీత వ్రజేత కిమ్ ॥ 54
స్థితప్రజ్ఞస్య, కా, భాషా, సమాధిస్థస్య, కేశవ,
స్థితధీః, కిమ్, ప్రభాషేత, కిమ్, ఆసీత, వ్రజేత, కిమ్.
అర్జునః = అర్జునుడు; ఉవాచ = పలికెను; కేశవ = కృష్ణా; సమాధిస్థస్య = సమాధియందుండే; స్థితప్రజ్ఞస్య = స్థితప్రజ్ఞుని; భాషా* = లక్షణాలు; కా = ఏమి?; స్థితధీః = స్థిరబుద్ధియైన పురుషుడు; కిమ్ = ఏమి, (ఏ రీతిగా); ప్రభాషేత = భాషిస్తాడు, కిమ్ = ఎలా; ఆసీత = కూర్చుంటాడు; కిమ్ = ఏ తీరుగా; వ్రజేత = నడుస్తాడు.
తా ॥ అర్జునుడు పలికెను: కేశవా! సమాధిస్థితుడైన స్థితప్రజ్ఞుని (1) లక్షణాలు ఏమిటి? (2) అతడే విధంగా పలుకుతాడు? (3) ఎలా ఉంటాడు? (4) ఏ రీతిగా వ్యవహరిస్తాడు?