యదృచ్ఛయా చోపపన్నం స్వర్గద్వారమపావృతమ్ ।
సుఖీనః క్షత్రియాః పార్థ లభంతే యుద్ధమీదృశమ్ ॥ 32
యదృచ్ఛయా, చ, ఉపపన్నమ్, స్వర్గద్వారమ్, అపావృతమ్,
సుఖీనః, క్షత్రియాః, పార్థ, లభంతే, యుద్ధమ్, ఈదృశమ్.
పార్థ = అర్జునా; సుఖీనః = అదృష్టవంతులైన; క్షత్రియాః = క్షత్రియులు; యదృచ్ఛయా = తనంతట; ఉపపన్నమ్ చ = లబ్ధమూ; అపావృతమ్ = తెరవబడిన; స్వర్గద్వారమ్ = స్వర్గద్వారమూ అయిన; ఈదృశమ్ = ఇటువంటి; యుద్ధమ్ = యుద్ధాన్ని; లభంతే = పొందుతారు.
తా ॥ పార్థా! (శ్రేయోదాయకమైంది నీ ఎదుటే ఉండగా చలిస్తావెందుకు?) అనాయాస ప్రాప్తమూ, ఉన్ముక్త స్వర్గ ద్వార సదృశమూ* అయిన ఇటువంటి యుద్ధం అదృష్టవంతులైన క్షత్రియులకే లభిస్తుంది!