అవ్యక్తాదీని భూతాని వ్యక్తమధ్యాని భారత ।
అవ్యక్తనిధనాన్యేవ తత్ర కా పరిదేవనా ॥ 28
అవ్యక్త ఆదీని, భూతాని, వ్యక్తమధ్యాని, భారత,
అవ్యక్తనిధనాని, ఏవ, తత్ర, కా, పరిదేవనా.
భారత = అర్జునా; భూతాని = ప్రాణులశరీరాలు; అవ్యక్త ఆదీని = ఉత్పత్తికి పూర్వం అవ్యక్తమైనవి; వ్యక్తమధ్యాని = స్థితి కాలంలో (మధ్యావస్థలో వ్యక్తమైయ్యేవి); అవ్యక్తనిధనాని ఏవ = వినాశనమైన తరువాత వ్యక్తమై ఉండనివి; తత్ర = ఈ స్థితియందు; కా పరి దేవనా = దుఃఖమేల?
తా ॥ (కర్మజన్యములైన దేహాదుల జనన మరణాలను చూసి, నిరుపాధిక మైన ఆత్మ గురించి దుఃఖీంచవద్దు.) భారతా! జీవుల శరీరాలు ఉత్పత్తికి పూర్వం అవ్యక్తాలు, స్థితి కాలంలో (మధ్యకాలంలో) మాత్రమే వ్యక్తములు, వినాశమైన తరువాత తిరిగి అవ్యక్తాలు. దీనికి దుఃఖీంచడం దేనికి? (జ్ఞానికి జగద్వ్యాపారం స్వప్నదృష్ట వస్తు తుల్యంగా, అశోచ్యం)