విషయేంద్రియసంయోగాత్ యత్తదగ్రేఽమృతోపమమ్ ।
పరిణామే విషమివ తత్సుఖం రాజసం స్మృతమ్ ॥ 38
విషయ ఇంద్రియ సంయోగాత్, యత్, తత్, అగ్రే, అమృతోపమమ్,
పరిణామే, విషమ్, ఇవ, తత్, సుఖమ్, రాజసమ్, స్మృతమ్.
విషయ ఇంద్రియ సంయోగాత్ = విషయాలు ఇంద్రియాల కూడికవల్ల; యత్ తత్ = ఏ సుఖం; అగ్రే = మొద (అనుభవిస్తునప్పుడు); అమృతోపమం = అమృతం వలే; పరిణామే = చివరకు (భోగాంతంలో); విషం ఇవ = విషతుల్యంగా (అగునో); తత్ సుఖమ్ = ఆ సుఖం; రాజసమ్ = రాజసికమని; స్మృతమ్ = చెప్పబడుతుంది.
తా ॥ శబ్దాది విషయాల, శ్రోత్రాది ఇంద్రియాల కూడిక నుండి కలిగే సుఖం మొదట అనుభవిస్తున్నప్పుడు అమృతం వలే తోచుచూ, తుదకు భోగాంతంలో విషతుల్యం అంటే దుఃఖహేతువు అవుతుంది. (స్త్రీ సంసర్గాది) ఈ సుఖం రాజసికం అని అనబడుతుంది.