విధిహీనమసృష్టాన్నం మంత్రహీనమదక్షిణమ్ ।
శ్రద్ధావిరహితం యజ్ఞం తామసం పరిచక్షతే ॥ 13
విధిహీనమ్, అసృష్ట అన్నమ్, మంత్రహీనమ్, అదక్షిణమ్,
శ్రద్ధావిరహితమ్, యజ్ఞమ్, తామసమ్, పరిచక్షతే.
విధిహీనమ్ = శాస్త్రవిధిశూన్యమును; అసృష్ట అన్నమ్ = అన్నదాన రహితమూ; మంత్రహీనమ్ = మంత్రవర్జితమూ; అదక్షిణమ్ = దక్షిణరహితమూ; శ్రద్ధావిరహితమ్ = శ్రద్ధాహీనమూ అయిన; యజ్ఞమ్ = యజ్ఞాన్ని; తామసమ్ = తామసమని; పరిచక్షతే = చెబుతున్నారు.
తా ॥ శాస్త్రవిధి, అన్నదానం, మంత్రం,* దక్షిణ, శ్రద్ధ – ఇవి లేని యజ్ఞాన్ని తామస యజ్ఞం అని చెబుతున్నారు.