అఫలాకాంక్షిభిర్యజ్ఞో విధిదిష్టో య ఇజ్యతే ।
యష్టవ్యమేవేతి మనః సమాధాయ స సాత్త్వికః ॥ 11
అఫల ఆకాంక్షిభిః, యజ్ఞః, విధి దిష్టః, యః, ఇజ్యతే,
యష్టవ్యమ్, ఏవ, ఇతి, మనః, సమాధాయ, సః, సాత్త్వికః.
అఫల ఆకాంక్షిభిః = నిష్కాములచే; యష్టవ్యం ఏవ = యజ్ఞం చేయవలసిందే; ఇతి = అని; మనః = మనస్సును; సమాధాయ = స్థిరపరచుకొని; యః = ఏ; విధి దిష్టః =శాస్త్రవిహితమైన; యజ్ఞః = యజ్ఞం; ఇజ్యతే = చేయబడుతుందో; సః = ఆ యజ్ఞం; సాత్త్వికః = సాత్త్వికమైనది.
తా ॥ ఫలాకాంక్ష రహితులైన పురుషులు యజ్ఞానుష్ఠానమే కర్తవ్యం అని నిశ్చయించుకుని, వారు ఆచరించే శాస్త్రవిధి సమ్మతమైన యజ్ఞమే సాత్త్వికం అనబడుతుంది.