కామమాశ్రిత్య దుష్పూరం దంభమానమదాన్వితాః ।
మోహాద్గృహీత్వాసద్గ్రాహాన్ ప్రవర్తంతేఽశుచివ్రతాః ॥ 10
కామమ్, ఆశ్రిత్య, దుష్పూరమ్, దంభ మాన మదాన్వితాః,
మోహాత్, గృహీత్వా, అసద్ గ్రాహాన్, ప్రవర్తంతే, అశుచివ్రతాః.
దుష్పూరమ్ = నిండింపబడరాని (అంతులేని); కామమ్ = కామాన్ని; ఆశ్రిత్య = ఆశ్రయించి; దంభ మాన మదాన్వితాః = దంభ అభిమాన-మద యుక్తులై; మోహాత్ = అవివేకంతో; అసద్ గ్రాహాన్ = అశుభ నిశ్చయాలను; గృహీత్వా = గ్రహించి; అశుచివ్రతాః = అశుద్ధములైన వ్రతాలను పూని; ప్రవర్తంతే = ప్రవర్తిల్లుతున్నారు.
తా ॥ దంభ-అభిమాన-మద యుక్తులై, అపరిమితమైన కామాన్ని ఆశ్రయించి, అవివేకంతో (ఈ మంత్రంతో ఆ దేవతను ఆరాధించి మహానిధులను పొందుతాను అని) అశుభ నిశ్చయాలు గలవారై (మద్యమాంసాది పూర్వకంగా క్షుద్రదేవతలను ఆరాధిస్తూ) అపవిత్రములైన వ్రతాలను ఆచరిస్తున్నారు.