న తద్భాసయతే సూర్యో న శశాంకో న పావకః ।
యద్గత్వా న నివర్తంతే తద్ధామ పరమం మమ ॥ 6
న, తత్, భాసయతే, సూర్యః, న, శశాంకః, న, పావకః,
యత్, గత్వా, న, నివర్తంతే, తత్, ధామ, పరమమ్, మమ.
యత్ = ఏ పదాన్ని; గత్వా = పొందితే; న నివర్తంతే = తిరిగి రారో; తత్ = అది; మమ = నా; పరమమ్ = శ్రేష్ఠమైన; ధామ = పదం (స్వరూపం); తత్ = దానిని; సూర్యః = రవి; న భాసయతే = ప్రకాశింపజేయజాలడు; శశాంకః = చంద్రుడు గాని; న = ప్రకాశింపజేయలేడు; పావకః = అగ్ని; న = ప్రకాశింపజేయజాలడు.
తా ॥ (గంతవ్యమైన ఆ పదం వివరించబడుతోంది 🙂 దేనిని పొందితే మళ్ళీ సంసారానికి తిరిగి రావడమనేది లేదో, దేనిని సూర్యచంద్రాగ్నులు కూడా ప్రకాశింప జేయజాలరో, అదే నా పరమపదం. (గీత : 15-12 చూ : ముండకోపనిషత్తు. 2-2-10 చూ :).