యతంతో యోగినశ్చైనం పశ్యంత్యాత్మన్యవస్థితమ్ ।
యతంతోఽప్యకృతాత్మానో నైనం పశ్యంత్యచేతసః ॥ 11
యతంతః, యోగినః, చ, ఏనమ్, పశ్యంతి, ఆత్మని, అవస్థితమ్,
యతంతః, అపి, అకృత ఆత్మానః, న, ఏనమ్, పశ్యంతి, అచేతసః.
యతంతః = సమాహితచిత్తులైన; యోగినః = యోగులు; ఏనమ్ = ఈ ఆత్మను; ఆత్మని = స్వీయ బుద్ధిలో; అవస్థితమ్ = సాక్షి రూపంలో వెలయువానిని; పశ్యంతి = చూస్తున్నారు; యతంతః అపి = ప్రయత్నిస్తున్నప్పటికీ; అకృత ఆత్మానః = అశుద్ధ చిత్తులైన; అచేతసః = అవివేకులు; ఏనమ్ = ఈ ఆత్మను; న పశ్యంతి = దర్శింపజాలరు.
తా ॥ (అందరకీ ఈ దర్శనం సాధ్యం కాదు, వివేకం గలవారి యందు కూడా కొందరే చూడగలుగుతున్నారు.) ధ్యానాభ్యాసరతులైన యోగులు స్వీయ బుద్ధి యందు సాక్షిరూపంలో ఉన్న ఈ ఆత్మను చూస్తున్నారు; కాని, శాస్త్రాదులను అభ్యసిస్తున్నప్పటికీ అశుద్ధ చిత్తులైన మందమతులు ఈ ఆత్మను దర్శింపజాలరు.