ఉత్క్రామంతం స్థితం వాపి భుంజానం వా గుణాన్వితమ్ ।
విమూఢా నానుపశ్యంతి పశ్యంతి జ్ఞానచక్షుషః ॥ 10
ఉత్క్రామంతమ్, స్థితమ్, వా, అపి, భుంజానమ్, వా, గుణాన్వితమ్,
విమూఢాః, న, అనుపశ్యంతి, పశ్యంతి, జ్ఞానచక్షుషః.
ఉత్క్రామంతమ్ = దేహాంతరాన్ని పొందుతున్నవాడూ; స్థితమ్ = శరీరంలో వెలయుచున్నవాడూ; భుంజానం వా = విషయాలను అనుభవిస్తున్నవాడూ; గుణాన్వితమ్ వా అపి = గుణాలను కలిగినవాడూ అయిన (జీవుణ్ణి); విమూఢాః = మూఢులు; న అనుపశ్యంతి = చూడజాలరు; జ్ఞాన చక్షుషః =జ్ఞానదృష్టి కలవారు; పశ్యంతి = చూడగలరు.
తా ॥ (శరీర వ్యతిరిక్తుడైన జీవుణ్ణి అందరూ కనుగొనజాలకున్నారేమిటి? అని అంటే 🙂 దేహాంతరాన్ని పొందుతున్నవాడూ, శరీరంలో వెలయువాడూ, విషయాలను భోగించేవాడూ, త్రిగుణ పరిణామములైన సుఖ దుఃఖ మోహాన్వితుడూ అయిన జీవాత్మను మూఢులు ఎరుగ జాలకున్నారు;* ఎందుకంటే, వారి మనస్సు విషయాకర్షణ చేత బహిర్ముఖంగా ఉంది. కాని, అంతర్ముఖులైన వారు* జ్ఞాన చక్షువుతో ఆ జీవాత్మను దర్శిస్తున్నారు.