ప్రకృత్యైవ చ కర్మాణి క్రియమాణాని సర్వశః ।
యః పశ్యతి తథాత్మానం అకర్తారం స పశ్యతి ॥
ప్రకృత్యా, ఏవ, చ, కర్మాణి, క్రియమాణాని, సర్వశః,
యః, పశ్యతి, తథా, ఆత్మానమ్, అకర్తారమ్, సః, పశ్యతి.
యః చ = మరియు ఎవడు; కర్మాణి = మనోవాక్కాయ కృతాలైన కర్మలన్నింటిని; ప్రకృత్యా ఏవ = మహదాదులైన కార్యకారణ ఆకారంగా పరిణమించిన మాయాశక్తి చేతనే; సర్వశః = సర్వవిధాల; క్రియ మాణాని = ఒనర్చబడుతున్నాయి, (అని) తథా = అలాగే; ఆత్మానమ్ = తనను; అకర్తారమ్ = కర్తృత్వరహితునిగా (సర్వోపాధి వర్జితునిగా); పశ్యతి = చూస్తాడో; సః = అతడు; పశ్యతి = యథార్థదర్శనం ఒనర్చుతున్నాడు.
తా ॥ మనోవాక్కాయ కృతాలైన కర్మల నన్నింటిని, దేహేంద్రియ ఆకారంగా పరిణమించిన ప్రకృతియే సర్వవిధాలా ఒనర్చుతోందనీ, ఆత్మ సర్వోపాధి వర్జితం అనీ (దేహాభిమానం చేతనే కర్తృత్వ భ్రాంతి అనీ) గ్రహించే వ్యక్తి, సమ్యక్–దర్శి. (గీత. 3-27; సాంఖ్య కారికా 62 చూ.)