మయ్యేవ మన ఆధత్స్వ మయి బుద్ధిం నివేశయ ।
నివసిష్యసి మయ్యేవ అత ఊర్ధ్వం న సంశయః ॥ 8
మయి, ఏవ, మనః, ఆధత్స్వ, మయి, బుద్ధిమ్, నివేశయ,
నివసిష్యసి, మయి, ఏవ, అతః, ఊర్ధ్వమ్, న, సంశయః.
మయి ఏవ = నా యందే; మనః = చిత్తాన్ని; ఆధత్స్వ = నెలకొల్పు; మయి = నా యందు; బుద్ధిమ్ = బుద్ధిని కూడా; నివేశయ = నిలుపు; అతః ఊర్ధ్వమ్ = ఇక మీదట (శరీర త్యాగానంతరం); మయి ఏవ = నాయందే; నివసిష్యసి = నివసించెదవు (ఈ విషయంలో); న సంశయః = సందేహం లేదు.
తా ॥ కనుక, నీవు నాయందు మనస్సును నిలుపు; నా యందే బుద్ధిని ఏకాగ్ర మొనర్చు. ఈ విధంగా చేస్తే, దేహాంతంలో నీవు నాయందే వసించగలవు. ఈ విషయంలో సందేహం లేదు.