క్లేశోఽధికతరస్తేషాం అవ్యక్తాసక్తచేతసామ్ ।
అవ్యక్తా హి గతిర్దుఃఖం దేహవద్భిరవాప్యతే ॥ 5
క్లేశః, అధికతరః, తేషామ్, అవ్యక్త ఆసక్తచేతసామ్,
అవ్యక్తా, హి, గతిః, దుఃఖమ్, దేహవద్భిః, అవాప్యతే.
తేషామ్ = ఆ; అవ్యక్త ఆసక్త చేతసామ్ = నిర్గుణబ్రహ్మ నిష్ఠులైన యోగులకు; క్లేశః = శ్రమ; అధికతరః = చాలా ఎక్కువ; హి = ఏమన; దేహవద్భిః = దేహాభిమానం కలవారిచే; అవ్యక్తా = నిర్గుణబ్రహ్మ విషయమైన; గతిః = నిష్ఠ; దుఃఖమ్ = కష్టంతో; అవాప్యతే = పొందబడుతోంది.
తా ॥ ఎవరి చిత్తం నిర్గుణబ్రహ్మంపై ఆసక్తమవుతోందో వారి క్లేశం అధికతరం; ఎందుకంటే, దేహాభిమానులైన వారికి నిర్గుణబ్రహ్మ నిష్ఠ లభించడం అత్యంత కష్టతరం. ఇదియే నిర్గుణోపాసనలో విశేషం. (అధికారి అయితే ఇది శ్రేష్ఠమే).