అనేకవక్త్రనయనం అనేకాద్భుతదర్శనమ్ ।
అనేకదివ్యాభరణం దివ్యానేకోద్యతాయుధమ్ ॥ 10
అనేక వక్త్ర నయనమ్, అనేక అద్భుత దర్శనమ్,
అనేక దివ్య ఆభరణమ్, దివ్య అనేక ఉద్యత ఆయుధమ్.
అనేక వక్త్ర నయనమ్ = అనేకమైన ముఖ నేత్రాలు గలదీ; అనేక అద్భుత దర్శనమ్ = బహువిధాలైన అద్భుతరూపాలతో కూడినదీ; అనేక దివ్య ఆభరణమ్ = వివిధమైన దివ్యాలంకారాలతో కూడినదీ; దివ్య అనేక ఉద్యత ఆయుధమ్ = వివిధమైన దివ్యాస్త్రాలను ధరించినదీ (అయిన విశ్వరూపాన్ని చూపెను).
తా ॥ ఆ విశ్వరూపం అసంఖ్యాలైన ముఖనేత్రాలతోనూ, అనేకమైన అద్భుతాకృతులతో, నానా విధమైన దివ్యాలంకారాలతో ఒప్పుతోంది; పలు విధాలైన దివ్యాయుధాలను ధరించి ఉంది.