శమో దమస్తపః శౌచం క్షాంతిరార్జవమేవ చ ।
జ్ఞానం విజ్ఞానమాస్తిక్యం బ్రహ్మకర్మస్వభావజమ్ ॥ 42
శమః, దమః, తపః, శౌచమ్, క్షాంతిః, ఆర్జవమ్, ఏవ, చ,
జ్ఞానమ్, విజ్ఞానమ్, ఆస్తిక్యమ్, బ్రహ్మకర్మ స్వభావజమ్.
శమః = అంతరింద్రియ నిగ్రహం; దమః = బహిరింద్రియ నిగ్రహం; తపః = తపస్సు; శౌచమ్ = బహిరంతరశౌచం; క్షాంతిః = క్షమ; ఆర్జవమ్ = ఋజుత్వం; జ్ఞానమ్ = శాస్త్రజ్ఞానం; విజ్ఞానమ్ = అనుభూతి; ఆస్తిక్యం ఏవచ = శాస్త్రంపై, భగవంతునిపై విశ్వాసం; బ్రహ్మకర్మ స్వభావజమ్ = స్వభావ జాతాలైన బ్రాహ్మణధర్మాలు.
తా ॥ మనోనిగ్రహం, బహిరింద్రియ నిగ్రహం, తపస్సు, శౌచం, క్షమ, ఋజుత్వం, శాస్త్రజ్ఞానం, తత్త్వానుభూతి; పరలోకం, శాస్త్రం, భగవంతుడు : వీటిపై విశ్వాసం – ఇవి బ్రాహ్మణులకు స్వభావజాతాలైన కర్మలు. (మను స్మృతిః 1-88, 91 చూ.)