ధృత్యా యయా ధారయతే మనఃప్రాణేంద్రియక్రియాః ।
యోగేనావ్యభిచారిణ్యా ధృతిః సా పార్థ సాత్త్వికీ ॥ 33
ధృత్యా, యయా, ధారయతే, మనః ప్రాణ ఇంద్రియక్రియాః,
యోగేన, అవ్యభిచారిణ్యా, ధృతిః, సా, పార్థ, సాత్త్వికీ.
పార్థ = అర్జునా; యోగేన = ఏకాగ్ర చిత్తంతో; యయా = ఏ; అవ్యభిచారిణ్యా = ఐకాంతికమైన (స్థిరమైన); ధృత్యా = ధృతి చేత; మనః ప్రాణ ఇంద్రియ క్రియాః = మనస్సు, ప్రాణం, ఇంద్రియాల క్రియలు; ధారయతే =శాస్త్రమార్గంలో నియమింపబడుతున్నాయో; సా ధృతిః = ఆ ధృతి; సాత్త్వికీ =సాత్త్వికము.
తా ॥ పార్థా! ఏకాగ్రచిత్తంతో విషయాంతరవ్యావృత్తి లేని ఏ ధృతిచేత, మనఃప్రాణాల క్రియలు, ఇంద్రియాల క్రియలు శాస్త్రమార్గంలో నియమింప బడుతున్నాయో, అది సాత్త్విక ధృతి.