యజ్ఞే తపసి దానే చ స్థితిః సదితి చోచ్యతే ।
కర్మ చైవ తదర్థీయం సదిత్యేవాభిధీయతే ॥ 27
యజ్ఞే, తపసి, దానే, చ, స్థితిః, సత్, ఇతి, చ, ఉచ్యతే,
కర్మ, చ, ఏవ, తత్ అర్థీయమ్, సత్, ఇతి, ఏవ, అభిధీయతే.
యజ్ఞే = యజ్ఞంలోనూ; తపసి = తపస్సులోనూ; దానే చ = దానంలోనూ; స్థితిః = నిష్ఠ; సత్ ఇతి = సత్ అనే శబ్దంతో; ఉచ్యతే = చెప్పబడుతోంది; తత్ అర్థీయం చ = భగవత్ప్రీతి నిమిత్తమైన; కర్మ చ ఏవ = కర్మ కూడా; సత్ ఇతి ఏవ = సత్ శబ్దంతోనే; అభిధీయతే = చెప్పబడుతోంది.
తా ॥ యజ్ఞం, తపం, దానం – ఈ మూడింటికీ సంబంధించిన నిష్ఠ కూడా ‘సత్’ – శబ్దం తోనే నిర్దేశించబడుతోంది; ఈశ్వర ప్రీత్యర్థం ఒనర్చబడే కర్మలన్నీ కూడా ‘సత్’ అనియే చెప్పబడుతున్నాయి. (కాబట్టి, ఇటువంటి మహిమ గల శబ్దత్రయంతో ఒప్పుతున్న ‘ఓం తత్ సత్’ అనే వాక్యమహిమ అత్యంత అధికం).