కట్వమ్లలవణాత్యుష్ణ తీక్ష్ణరూక్షవిదాహినః ।
ఆహారా రాజసస్యేష్టా దుఃఖశోకామయప్రదాః ॥ 9
కట్వ అమ్ల లవణ అతిఉష్ణ తీక్ష్ణ రూక్ష విదాహినః,
ఆహారాః, రాజసస్య, ఇష్టాః, దుఃఖశోక ఆమయప్రదాః.
కటు–అమ్ల–లవణ–అతి –ఉష్ణ–తీక్ష్ణ–రూక్ష–విదాహినః = మిక్కిలి చేదు-పులుపు-ఉప్పు-వేడి-కారం, మిక్కిలి ఎండినవీ, మంటపెట్టేవీ అయిన; ఆహారాః = ఆహారవస్తువులు; దుఃఖ–శోక–ఆమయ–ప్రదాః = దుఃఖాన్నీ, శోకాన్నీ, రోగాన్నీ కలిగించేవీ; రాజసస్య = రాజసులకు; ఇష్టాః = ప్రియములు.
తా ॥ మిక్కిలి చేదు, పులుపు, ఉప్పు, వేడి, కారంగా ఉండేవీ, మిక్కిలి ఎండినవీ, మంట కలిగించేవీ అయిన ఆహారాలు రాజసులకు ప్రియమైనవిగా ఉన్నాయి; ఇవి రోగ, శోక, దుఃఖాలను కలిగిస్తాయి.