తానహం ద్విషతః క్రూరాన్ సంసారేషు నరాధమాన్ ।
క్షిపామ్యజస్రమశుభాన్ ఆసురీష్వేవ యోనిషు ॥ 19
తాన్, అహమ్, ద్విషతః, క్రూరాన్, సంసారేషు, నర అధమాన్,
క్షిపామి, అజస్రమ్, అశుభాన్, ఆసురీషు, ఏవ, యోనిషు.
అహమ్ = నేను; ద్విషతః = విద్వేషులును; క్రూరాన్ = క్రూరులును; నర-అధమాన్ = నరాధములను; అశుభాన్ = అమంగళకరులూ అయిన (వారిని); సంసారేషు = జన్మ-మృత్యు మార్గాలలో; ఆసురీషు = ఆసురములైన; యోనిషు ఏవ = యోనులయందే (వంశాలలోనే); అజస్రమ్ = మళ్ళీ మళ్ళీ; క్షిపామి = ఉంచుతున్నాను.
తా ॥ విద్వేషులూ, క్రూరులూ, కుకర్ములూ అయిన వారికి మళ్ళీ మళ్ళీ (వారి పాప కర్మలకు ఫలితంగా వ్యాఘ్రసర్పాదికమైన) అసుర జన్మలనే కలుగజేస్తున్నాను.