దైవీ సంపద్విమోక్షాయ నిబంధాయాసురీ మతా ।
మా శుచః సంపదం దైవీమభిజాతోఽసి పాండవ ॥ 5
దైవీ, సంపత్, విమోక్షాయ, నిబంధాయ, ఆసురీ, మతా,
మా, శుచః, సంపదమ్, దైవీమ్, అభిజాతః, అసి, పాండవ.
పాండవ = అర్జునా; దైవీసంపద్ = దేవయోగ్యమైన సాత్త్వికసంపద; విమోక్షాయ = ముక్తి కొరకు అనీ; ఆసురీ = అసుర సంపద; నిబంధాయ = బంధం కొరకు అనీ; మతా = తలంపబడ్డాయి; మా శుచః = శోకించకు; దైవీం సంపదమ్ = దైవీసంపదకు; అభిజాతః అసి =యోగ్యుడవై జన్మించావు.
తా ॥ దైవసంపద సంసార బంధం నుండి విడివడటానికీ, అసుర సంపద సంసార బంధంలో చిక్కువడటానికీ కారణాలని చెప్పబడుతున్నాయి. అర్జునా! శోకించకు; నీవు దైవీసంపదకు యోగ్యుడవై జన్మించావు.