రజో రాగాత్మకం విద్ధి తృష్ణాసంగసముద్భవమ్ ।
తన్నిబధ్నాతి కౌంతేయ కర్మసంగేన దేహినమ్ ॥ 7
రజః, రాగ ఆత్మకమ్, విద్ధి, తృష్ణాసంగ సముద్భవమ్.
తత్, నిబధ్నాతి, కౌంతేయ, కర్మసంగేన, దేహినమ్.
కౌంతేయ = అర్జునా; రజః = రజో గుణం; రాగ ఆత్మకం = రాగ రూపంగానూ; తృష్ణాసంగ సముద్భవం = తృష్ణ నుండి (ఆసక్తి నుండి కలిగినదిగానూ); విద్ధి = గ్రహించు; తత్ = అది (రజోగుణం); కర్మ సంగేన = దృష్ట-అదృష్ట ఫలహేతువులైన కర్మలయందు ఆసక్తిని కలిగించి; దేహినమ్ = ఆత్మను; నిబధ్నాతి = బంధిస్తుంది.
తా ॥ రజోగుణం రాగాత్మకం, తృష్ణ నుండి ఉత్పన్నమవుతోంది. ఇది జీవునికి వివిధ కర్మల యందు రాగాన్ని కలిగించి, వివిధ ఫలాలను పొందవలెననే ఆశను కలిగించి బంధిస్తోంది.