తత్ర సత్త్వం నిర్మలత్వాత్ ప్రకాశకమనామయమ్ ।
సుఖసంగేన బధ్నాతి జ్ఞానసంగేన చానఘ ॥ 6
తత్ర, సత్త్వమ్, నిర్మలత్వాత్, ప్రకాశకమ్, అనామయమ్,
సుఖసంగేన, బధ్నాతి, జ్ఞానసంగేన, చ, అనఘ.
అనఘ = పాపరహితుడా; తత్ర = ఈ మూడింటిలో; నిర్మలత్వాత్ = స్వచ్ఛత వల్ల; సత్త్వమ్ = సత్త్వగుణం; అనామయమ్ = ఉపద్రవరహిత సుఖాన్ని అభివ్యక్తీకరిస్తోంది; ప్రకాశకమ్ = చైతన్యాన్ని కూడా అభివ్యక్తం చేస్తోంది; సుఖ సంగేన = సుఖాసక్తి చేతా; జ్ఞాన సంగేన చ = జ్ఞానాసక్తిచేతా; (ఆత్మను) బధ్నాతి = బంధిస్తోంది.
తా ॥ (సత్త్వగుణ లక్షణం, అది బంధించే రీతి -తెలుపబడుతున్నాయి) అనఘా! వీటిలో సత్త్వగుణం (స్ఫటికమణి వలె) నిర్మలమూ, శాంతమూ, ప్రకాశ స్వభావమూ అయి ఉంది; ఇది జ్ఞానాసక్తిని, సుఖాసక్తిని కలిగించి ఆత్మను బంధిస్తోంది.