త్వమక్షరం పరమం వేదితవ్యం
త్వమస్య విశ్వస్య పరం నిధానమ్ ।
త్వమవ్యయః శాశ్వతధర్మగోప్తా
సనాతనస్త్వం పురుషో మతో మే ॥ 18
త్వమ్, అక్షరమ్, పరమమ్, వేదితవ్యమ్, త్వమ్, అస్య, విశ్వస్య, పరమ్, నిధానమ్,
త్వమ్, అవ్యయః, శాశ్వత ధర్మగోప్తా, సనాతనః, త్వమ్, పురుషః, మతః, మే.
త్వమ్ = నీవు; అక్షరమ్ = పరబ్రహ్మవు; పరమమ్ = శ్రేష్ఠమైన (ఏకమాత్రమైన); వేదితవ్యమ్ = జ్ఞేయ వస్తువు; త్వమ్ = నీవు; అస్య = ఈ; విశ్వస్య = జగత్తుకు; పరమ్ = పరమమైన; నిధానమ్ = ఆశ్రయుడవు; త్వమ్ = నీవు; అవ్యయః = నిత్యుడవు; శాశ్వత ధర్మ గోప్తా = సనాతన ధర్మ రక్షకుడవు; త్వమ్ = నీవు; సనాతనః పురుషః = పురాణపురుషుడవు, (పరమాత్మవు) (ఇతి =అని;) మే = నా మతః = అభిప్రాయం.
తా ॥ నీవు పరబ్రహ్మానివి. ఏకమాత్రమైన జ్ఞేయవస్తువు. నీవు విశ్వానికి శ్రేష్ఠమైన ఆశ్రయుడవు. సనాతన ధర్మరక్షకుడవు, నిత్యుడవైన పరమాత్మవు – అని నా అభిప్రాయం.