ఆబ్రహ్మభువనాల్లోకాః పునరావర్తినోఽర్జున ।
మాముపేత్య తు కౌంతేయ పునర్జన్మ న విద్యతే ॥ 16
ఆబ్రహ్మభువనాత్, లోకాః, పునరావర్తినః, అర్జున,
మామ్, ఉపేత్య, తు, కౌంతేయ, పునర్జన్మ, న, విద్యతే.
అర్జున = పార్థా; ఆబ్రహ్మ భువనాత్ = భూలోకం నుండి బ్రహ్మలోకం వరకూ గల; లోకాః = లోకాలన్నీ; పునరావర్తినః = పునరావృత్తితో కూడినవి; తు = కాని; కౌంతేయ = అర్జునా; మామ్ = నన్ను; ఉపేత్య = పొందిన; పునర్జన్మ = మళ్ళీ జన్మ; న విద్యతే = ఉండదు (కలుగదు).
తా ॥ అర్జునా! (భూలోకం నుండి) బ్రహ్మలోకం వరకూ గల లోకాలన్నీ కూడా పునరావృత్తితో కూడుకొన్నవి. కాని, కౌంతేయా! నన్ను పొందినవారికి మళ్ళీ జన్మ లేదు. (వేదాంత సూత్రమ్. 4–4–22 చూ; గీత: 9–3 చూ:)