మనుష్యాణాం సహస్రేషు కశ్చిద్యతతి సిద్ధయే ।
యతతామపి సిద్ధానాం కశ్చిన్మాం వేత్తి తత్త్వతః ॥ 3
మనుష్యాణామ్, సహస్రేషు, కశ్చిత్, యతతి, సిద్ధయే,
యతతామ్, అపి, సిద్ధానామ్, కశ్చిత్, మామ్, వేత్తి, తత్త్వతః.
మనుష్యాణాం సహస్రేషు = వేల జనులలో; కశ్చిత్ = ఒకానొకడు; సిద్ధయే = సిద్ధికై, (ఆత్మజ్ఞానం కోసం); యతతి = ప్రయత్నిస్తాడు; యతతామ్ = ఇలా ప్రయత్నించే; సిద్ధానామ్ అపి = ముముక్షువులలో కూడా; కశ్చిత్ = ఎవరో ఒక్కడే; మామ్ = నన్ను; తత్త్వతః = యథార్థంగా; వేత్తి = తెలుసుకుంటున్నాడు.
తా ॥ (నాపై భక్తి లేకుంటే నా జ్ఞానం కలగడం దుర్లభం, మనుష్యేతరాలైన అసంఖ్యాక జీవులకు శ్రేయోమార్గ ప్రవృత్తియే లేదు. జ్ఞానయోగ్యులైన) మనుష్యులలో వేలల్లో ఏ ఒక్కడో ఆత్మజ్ఞానాన్ని పొందడానికి ప్రయత్నిస్తాడు. ఇలా ప్రయత్నించే ముముక్షువులలో కూడా ఎవరో ఒకడు అరుదుగా, నన్ను యథార్థంగా తెలుసుకోగలుగుతున్నాడు. (ఇటువంటి దుర్లభమైన ఆత్మతత్త్వాన్ని నీకు చెబుతున్నాను.)