నాత్యశ్నతస్తు యోగోఽస్తి న చైకాంతమనశ్నతః ।
న చాతిస్వప్నశీలస్య జాగ్రతో నైవ చార్జున ॥ 16
న, అతి, అశ్నతః, తు, యోగః, అస్తి, న, చ, ఏకాంతమ్, అనశ్నతః,
న, చ, అతి స్వప్నశీలస్య, జాగ్రతః, న, ఏవ, చ, అర్జున.
అర్జున = అర్జునా; అత్యశ్నతః తు = ఎక్కువగా భుజించేవానికి; యోగః = ధ్యానం; న అస్తి = లేదు; చ = మరియు; ఏకాంతమ్ = ఏమీ కూడా; అనశ్నతః = భుజింపనివానికి కూడా; న = లేదు; అతి స్వప్న శీలస్య చ = ఎక్కువ నిద్రించేవానికి కూడా; న = లేదు; జాగ్రతః ఏవ చ = ఎక్కువగా మేల్కొని ఉండేవానికి కూడా; న = లేదు.
తా ॥ (ధ్యానాభ్యాసనిష్ఠుని ఆహారాది నియమాలు చెప్పబడుతున్నాయి:) అర్జునా! ఎక్కువగా భుజించేవానికి ధ్యానం (సమాధి) కుదరదు. అదే విధంగా ఏమీ తినని వానికి కూడా ఇది లభించదు. ఎక్కువగా నిద్రించేవానికిని, అమితంగా మేల్కొని ఉండేవానికి కూడా ధ్యానం కుదురదు.