అపానే జుహ్వతి ప్రాణం ప్రాణేఽపానం తథాఽపరే ।
ప్రాణాపానగతీ రుద్ధ్వా ప్రాణాయామపరాయణాః ॥ 29
అపానే, జుహ్వతి, ప్రాణమ్, ప్రాణే, అపానమ్, తథా, అపరే,
ప్రాణాపానగతీ, రుద్ధ్వా, ప్రాణాయామ పరాయణాః.
తథా = మరి; అపరే = ఇతర యోగులు; అపానే = అపానవాయువులో; ప్రాణమ్ = ప్రాణవాయువును; ప్రాణే = ప్రాణవాయువులో; అపానమ్ = అపానవాయువును; జుహ్వతి = ఆహుతినిస్తున్నారు; ప్రాణాపానగతీ = ప్రాణ అపాన వాయువుల గతిని; రుద్ధ్వా = నిరోధించి; ప్రాణాయామపరాయణాః = ప్రాణాయామ పరాయణులు. (అవుతారు).
తా ॥ యోగులైన మరికొందరు అపానవాయువులో ప్రాణవాయువును హోమమొనర్చుతున్నారు. (పూరక ప్రాణాయామం.) మరియు, ప్రాణవాయువులో అపాన వాయువును హోమమొనర్చుతున్నారు. (రేచక ప్రాణాయామం.) వీరే, ప్రాణ అపాన వాయువుల గతిని నిరోధించి ప్రాణాయామం ఒనర్చుతున్నారు. (కుంభకం) (ద్వాదశ విధ యజ్ఞం).(సనత్సుజాతీయమ్ : 5–11 చూ.)