యజ్ఞశిష్టాశినః సంతో ముచ్యంతే సర్వకిల్బిషైః ।
భుంజతే తే త్వఘం పాపా యే పచంత్యాత్మకారణాత్ ॥ 13
యజ్ఞశిష్టాశినః, సంతః, ముచ్యంతే, సర్వకిల్బిషైః,
భుంజతే, తే, తు, అఘమ్, పాపాః, యే, పచంతి, ఆత్మకారణాత్.
యజ్ఞశిష్టాశినః = యజ్ఞశేషాన్ని భుజించే; సంతః = సత్పురుషులు; సర్వకిల్బిషైః = పాపాలన్నిటి నుండి; ముచ్యంతే = విడివడుతున్నారు; తు = కాని; యే = ఎవరు; ఆత్మకారణాత్ = తమ కొరకే; పచంతి = వండుకుంటున్నారో; తే పాపాః = ఆ పాపులు; అఘమ్ = పాపాన్ని; భుంజతే = భుజిస్తున్నారు (పొందుతున్నారు).
తా ॥ ఏ సజ్జనులు యజ్ఞశేషాన్ని భుజిస్తారో, వారు సర్వవిధ పాపాల నుండీ విముక్తులవుతున్నారు. కేవలం తమ కొరకే (వైశ్వ దేవాదుల కొరకు గాక) వండుకునే వారు పాపాన్ని* భుజిస్తున్నారు.