నియతం కురు కర్మ త్వం కర్మ జ్యాయో హ్యకర్మణః ।
శరీరయాత్రాపి చ తే న ప్రసిద్ధ్యేదకర్మణః ॥ 8
నియతమ్, కురు, కర్మ, త్వమ్, కర్మ, జ్యాయః, హి, అకర్మణః
శరీర యాత్రా, అపి, చ, తే, న, ప్రసిద్ధ్యేత్, అకర్మణః.
త్వమ్ = నీవు; నియతమ్ కర్మ = శాస్త్రవిహిత నిత్యకర్మను; కురు = ఒనర్చు; హి = ఏలయన; అకర్మణః = కర్మ చేయకుండా ఉండడం కంటే; కర్మ = కర్మ చేయడం; జ్యాయః = శ్రేష్ఠం; అకర్మణః = కర్మహీనుడవైతే; తే = నీకు; శరీరయాత్రా అపి = దైనందిన జీవనం కూడా; న ప్రసిద్ధ్యేత్ = సాగదు.
తా ॥ నీవు శాస్త్రోపదిష్టమైన నిత్యకర్మను ఒనర్చు. కర్మను ఒనర్చకుండా ఉండటం కంటే కర్మ ఒనర్చడమే శ్రేష్ఠం. కర్మహీనుడవైనట్లయితే దైనందిన జీవితం కూడా నీకు సాగదు. (గీత: 18–5 చూ:)