న హి కశ్చిత్ క్షణమపి జాతు తిష్ఠత్యకర్మకృత్ ।
కార్యతే హ్యవశః కర్మ సర్వః ప్రకృతిజైర్గుణైః ॥ 5
న, హి, కశ్చిత్, క్షణమ్, అపి, జాతు, తిష్ఠతి, అకర్మకృత్,
కార్యతే, హి, అవశః, కర్మ, సర్వః, ప్రకృతిజైః, గుణైః.
కశ్చిత్ = ఏ మనుజుడూ; క్షణమపి = క్షణమైనా కూడా; అకర్మకృత్ = ఏ పనిని చేయకుండా; జాతు = ఎన్నడునూ; నహి తిష్ఠతి = ఉండజాలడు; హి = ఏమన; ప్రకృతిజైః = ప్రకృతి నుండి కలిగిన; గుణైః = గుణాలచే; అవశః = అస్వాధీనుడై; సర్వః = ప్రతీవాడూ; కర్మ = కర్మను; కార్యతే = చేయువాడుగా ఒనర్పబడుతున్నాడు.
తా ॥ (కర్మత్యాగం అంటే అనాసక్తి, ఫలత్యాగం. కర్మలను త్యజించడం అసాధ్యం.) కర్మ ఒనర్చకుండా ఎవ్వరూ ఎన్నడూ ఒక క్షణమైన కూడా ఉండలేరు. అందరూ ప్రకృతి జనిత సత్వ-రజః-తమో గుణాలకు లోబడి కర్మలను చేసేవారగుచున్నారు. (గీత : 3–8; 18–11 చూ:)