యావానర్థ ఉదపానే సర్వతః సంప్లుతోదకే ।
తావాన్ సర్వేషు వేదేషు బ్రాహ్మణస్య విజానతః ॥ 46
యావాన్, అర్థః, ఉదపానే, సర్వతః, సంప్లుతోదకే,
తావాన్, సర్వేషు, వేదేషు, బ్రాహ్మణస్య, విజానతః
సర్వతః = సర్వత్ర; సంప్లుతోదకే = వెల్లువగా నీరుండగా; ఉదపానే = కూపాదులైన అల్పజలాశయాలు; యావాన్ = ఎంత; అర్థః = ప్రయోజనమో; విజానతః = జ్ఞానియైన; బ్రాహ్మణస్య = బ్రహ్మనిష్ఠునికి; సర్వేషు వేదేషు = సమస్త వేదాలు; తావాన్ = అంతే; అర్థః = ప్రయోజనం.
తా ॥ అంతటా నీటివెల్లువతో నిండినప్పుడు, నూతులు చెఱువులు మొదలైన చిన్నచిన్న నీటిపట్లు ఆ వెల్లువలోనే చేరిపోయే విధంగా; మరియు, ఆ అల్ప జలాశయాలతో చేకూరే స్నాన పానాది ప్రయోజనం కూడా ప్రవాహజలంతో సిద్ధించే రీతిగా – బ్రహ్మజ్ఞ పురుషుని (ప్రవాహస్థానీయమైన) బ్రహ్మజ్ఞాన ఫలంలోనే (అల్పజలాశయ స్థానీయాలు) వేదోక్తాలైన కామ్యకర్మల ఫలాలన్నీ అంతర్గతాలవు తున్నాయి* . (గీత: 4–33 చూ:)