అధ్యాత్మజ్ఞాననిత్యత్వం తత్త్వజ్ఞానార్థదర్శనమ్ ।
ఏతత్జ్ఞానమితి ప్రోక్తం అజ్ఞానం యదతోఽన్యథా ॥
అధ్యాత్మ జ్ఞాననిత్యత్వమ్, తత్త్వజ్ఞాన అర్థ దర్శనమ్,
ఏతత్, జ్ఞానమ్, ఇతి, ప్రోక్తమ్, అజ్ఞానమ్, యత్, అతః, అన్యథా.
అధ్యాత్మ జ్ఞాన నిత్యత్వమ్ = ఆత్మజ్ఞాన నిత్యత్వం; తత్త్వ జ్ఞాన అర్థ దర్శనమ్ = మోక్ష జ్ఞాన ప్రయోజనాన్ని చూడడం (అమానిత్వమాదిగా తత్త్వజ్ఞానార్థం వరకూ గల) ఏతత్ = ఇదంతా (జ్ఞాన సాధనలు, సహకారి కారణాలు అగుట వల్ల); జ్ఞానమ్ = జ్ఞానం; ఇతి = అని; ప్రోక్తమ్ = చెప్పబడుతుంది; యత్ = ఏది; అతః అన్యథా = దీనికంటే వేరో (ఆ, మానిత్వ దంభాదులు); అజ్ఞానమ్ = జ్ఞాన ప్రతిబంధకాలు.
తా ॥ ఆత్మజ్ఞాననిష్ఠ, మోక్షంపై సర్వోత్కృష్ట బుద్ధి, ఇదంతా (జ్ఞాన సాధనమూ, సహకారి కారణమూ అవడం వల్ల) జ్ఞానమని చెప్పబడుతోంది;* దీనికి విపరీతములైన మానిత్వ-దంభాదులు, జ్ఞాన ప్రతిబంధకం అవడం వల్ల సర్వథా త్యాజ్యములు.